સીમંત (ગોદ - ખોળો)
લગ્ન થયેલી કન્યા એની સાસરીમાં પોતાના પતિ સાથે રહેલી હોય છે. પરંતુ જયારે કન્યા ગર્ભવતી થાય અને ગર્ભના પાંચ કે સાત મહિના થાય એટલે કન્યાના પીયરમાં તેને ગોદ ભરાઈની રસ્મ રીવાજ પ્રમાણે સાસરીમાં તેડવા (કન્યા ને પીયર લઇ જવા), કન્યા પક્ષવાળા કન્યાના પીયરના નજીકનાં સગવ્હાલાં અને સમાજની સ્ત્રીઓને લઇ આવે છે. નારીયેળ, લીલીધરો (ઘાસ), કાચા સુતરના દોરા ની કોકડી, પાનનું પાંદડું, સોપારી, ચાંદીનો સિક્કો અને કન્યાને ગર્ભના જેટલા મહિના થયા હોય તેટલા ઘઉં આ બધું વર પક્ષેથી કન્યાના, ખોળામાં મુકીને એક તંદુરસ્ત છોકરાને કન્યાના ખોળામાં બેસાડી આશિર્વાદ આપીને છોકરાને લઇ લે છે અને કન્યાને ઉભી કરી કન્યાની સાસરી પક્ષની સ્ત્રીઓ કન્યાને ગળે મળે છે. સાસરીયા પક્ષ તરફથી ચાહ અથવા સરબત અપાય છે. ત્યારબાદ ખોળામાં મુકેલી વસ્તુઓ સાથે કન્યા તેના પીયરયાઓ સાથે પીયર જાય છે. પીયરમાં લાવીને પીયર પક્ષ ની સ્ત્રીઓ કન્યાને ભેટે છે.